Иако палентата најчесто се подготвува како кремаст прилог, овој пат решивме да ја подготвиме на поинаков начин. Изгледа како омилените пржени компирчиња, но сепак во здрава и вкусна форма на закуска.

Потребни состојки за две порции:

ПОМФРИТ:
160 г. палента (пченкарен гриз)
470 ml вода
1 чешне лук
2 лажици свежа мајчина душица, сечкана
1 лажица свеж рузмарин, сечкан
45 г. рендан пармезан
сол, по вкус
3 лажици маслиново масло

ПРЕЛИВ:
1 чешне лук
3 лажици путер, стопен
2 лажици свеж босилек, сецкан
1 лажица свежо оригано, исечкано

ПОДГОТОВКА:

Сварете ја палентата
Ставете вода во поголем сад и почекајте да зоврие. Со мешање во водата додадете ги пченкарно брашно, сецкан лук, мајчина душица, рузмарин, рендан пармезан и зачинете.

Мешајте додека палентата не стане мека и густа, околу 5 минути. Се трга од оган, се покрива и се остава 5 минути.

Замрзнете
Со хартија за печење обложете тепсија со димензии 20х20 см и врз ннеа истурете ја сварената палента. Рамномерно распоредете во еден слој. Ставете во замрзнувач 20 минути.

Печете
Загрејте ја рерната на 220 степени. Внимателно извадете ја палентата и на даска за сечење исечете тенки ленти слични на помфрит.

Наредете ја исечената палента на хартија за печење и прелијте ја со маслиново масло и зачинете со сол по вкус.

Печете 15 минути, извадете ги од рерна, внимателно превртете ги стапчињата и печете уште 15 до 20 минути или додека не станат крцкави.

Подгответе го преливот
Измешајте ги состојките за преливот и прелијте врз печената палента. Послужете со сос по желба.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.