Ред, работа и дисциплина. Три збора кои најлесно можат да го опишат готвачот Гордон Ремзи. Тој денеска го слави својот 57 роденден, а освен што е врвен готвач, тој е и писател, критичар на храна и продуцент.
Ремзи е роден во Џонстон, Шкотска, а со своето семејство се преселил во Англија на деветгодишна возраст. Мајка му Хелен беше медицинска сестра, а таткото Гордон е заварувач и дуќанџија. Ремзи еднаш откри дека токму таткото бил причината за овој потег, бидејќи тој бил насилен алкохоличар кој често го вадел својот гнев врз Гордон и неговите тројца браќа и сестри.
Како момче играше фудбал, но веќе на 12 години повредите му беа премногу. Тој ја заврши кратката кариера поради тешка повреда на коленото.
Својот кулинарски подем го започнал во 1997 година кога ја основал ресторанската група „Гордон Ремзи“. Досега неговите ресторани имаат собрано 17 Мишелин ѕвезди, а моментално имаат седум. Неговиот ресторан во Лондон во Челзи има три ѕвезди од 2001 година. Повеќето од неговите ресторани се во Лондон, но некои се и во Франција, Сингапур и Јужна Кореја.
Ремзи се истакна и во неговата телевизиска улога, каде што спасуваше пропаднати ресторани во шоуто „Пеколна кујна“. Емисијата почна да се емитува во Велика Британија во 2004 година, а од 2007 година се снима и американска верзија.
Заврши снимањето на последната „Пеколна кујна“ и решив повеќе да не ја правиме таа емисија. Имавме феноменални 10 години во кои снимивме 123 емисии кои ги гледаа милиони луѓе и беа прикажани во повеќе од 150 земји. Беше прекрасно, но време е да се заврши – изјави Гордон во 2014 година.
Покрај „Пеколна кујна“, Ремзи беше судија и во „MasterChef“, „Kitchen Nightmares“, „Hell’s Hotel“…
Со сопругата Тана е во брак од 1996 година. Заедно ги имаат Меган (25), 23-годишните близнаци Џек и Холи, Тили (21) и Оскар (4). Иако нивниот славен татко „се капе“ во пари, Гордон ги учи децата на скромност, а еден од неговите методи на воспитување изненади многумина.
Готвачот, чие богатство се проценува на околу 113 милиони фунти, е убеден дека неговите деца треба сами да се снаоѓаат во животот.
Тие пари дефинитивно не одат кај нив. Не го правам тоа од злоба, туку за да не бидат разгалени – изјави Ремзи.
Кога одат на одмор, Гордон и неговата сопруга уживаат во луксузната прва класа во авиони, но тој не им дозволува на децата да летаат ниту во бизнис класа, туку ги „тера“ да патуваат во економска класа.
Строг сум, ама праведен и ќе направам се за да им помогнам да дојдат до врвот. Сепак, нема шанси да ги вработам во моите ресторани или преку врска. Дали сакаат да работат во овој бизнис? Нека се вработат кај друг сопственик на ресторан и нека почнат од самиот почеток – изјави Ремзи.
Во јуни, Ремзи влезе во Гинисовата книга на рекорди заедно со ѕвездата на ТикТок, Ник Ди Џовани. Имено, тие направиле стек Велингтон тежок 26 килограми.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Comments are closed for this post.