Претседателот на Украина, Володимир Зеленски ќе ја посети Турција и ќе се сретне со претседателот Реџеп Тајип Ердоган пред Самитот на НАТО во Вилнус, објави денеска турскиот весник „Сабах“.

Според весникот, средбата ќе биде во Истанбул, но сè уште не е прецизиран датумот.

Меѓу главните теми на разговорите се очекува да биде и прашањето поврзано со Договорот за извоз на жито од украинските пристаништа, кој истекува на 17 јули.

Ердоган е меѓу лидерите, кои најмногу се сретнале и со рускиот претседател Владимир Путин и со шефот на украинската држава Володимир Зеленски, наведува „Сабах“.

Весникот додава и дека „Турција, која се обидува да има посредничка улога во конфликтот меѓу Русија и Украина, продолжува да инсистира на прекин на огнот меѓу земјите што е можно поскоро“ се додава во изданието.

Самитот на НАТО во Вилнус ќе се одржи на 11 и 12 јули



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.