Украинскиот претседател Володимир Зеленски се чини дека ја потврди загубата на градот Бахмут денеска на прашањето дали тој сè уште е под контрола на Киев, велејќи дека градот е „само во нашите срца денес“.
Запрашан во Хирошима пред состанокот со американскиот претседател Џо Бајден дали украинските сили сè уште даваат отпор во Бахмут или дали Русија го зазеде градот, Зеленски беше нејасен, а потоа рече: „Морате да разберете дека веќе нема ништо (таму)“.
„Денес Бахмут е сè уште само во нашите срца“, рече тој.
Русија во саботата соопшти дека целосно го освоила источниот украински град, што, доколку е вистина, ќе го означи крајот на најдолгата и најкрвавата битка од 15-месечната војна.
Нападот на претежно срамнетиот град беше предводен од платенички трупи на Вагнер групата, чиј водач Евгениј Пригожин претходно во саботата изјави дека неговите сили конечно ги потиснале Украинците од последната област во градот.
Киев претходно го отфрли тврдењето на Пригожин.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Comments are closed for this post.