Во Бахмут во Украина бил убиен српски припадник на групата Вагнер, пишуваат српските медиуми.

Како што се наведува, станува збор за маж од Крушевац.

Не се знае точно кога е убиен.

Сочувство до семејството на убиениот Урош на својот Телеграм канал објави снајперистот Дејан Бериќ.

Загина во борбите за Артјомовск (како што Русите го нарекуваат Бахмут), а неговото тело беше пронајдено пред десет дена. Не можеме да објавиме каде ќе биде погребот, но јас размислував да одам на тој погреб, но за жал не можам поради моите обврски(…), напиша тој.

Убиениот Србин како волонтер од Србија дошол во Луганск во 2014 година, односно на самиот почеток на војната во Украина и станал член на Седмата бригада. Во меѓувреме се оженил со Русинка со која има дете, но тој брак завршил со развод.

Тој остави дете, а не требаше воопшто да оди во војна. Вујко му живее во Москва, можеше да ја избегне оваа војна, во која повторно се пријави од почетокот на специјалната воена операција. Извесен период, бил ранет и затворен, ја напуштил војската, но му се приклучил на Вагнер по почетокот на специјалната воена операција“, коментираат упатените.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.