Американскиот државен секретар Антони Блинкен не е надлежен да го критикува кинескиот претседател Си Џинпинг за неговата посета на Русија, изјави денеска портпаролот на кинеското Министерство за надворешни работи Ванг Венбин.

Блинкен: Претседателот Си не мисли дека Путин треба да одговара за злосторствата во Украина

Запрашан да ја коментира изјавата на Блинкен дека Кина и обезбедила „дипломатско покривање“ на Русија, Ванг рече дека Кина не ја предизвикала украинската криза и не е страна во конфликтот.

Никогаш не сме испорачале оружје на ниту една страна во конфликтот.САД немаат овластување да ја критикуваат Кина, а камоли да ја обвинуваат за ситуацијата во Украина, рече Венбин.

Белата куќа: Си и Путин се во „брак“ од интерес, а не од љубов

Кинескиот дипломат потсети дека Пекинг се противи на какви било дејствија што би можеле да доведат до ескалација на украинскиот конфликт и нагласи дека САД продолжуваат да го снабдуваат Киев со оружје.

„САД треба објективно да гледаат на напорите на Кина и меѓународната заедница за постигнување мирен дијалог“, нагласи Венбин.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.