Турскиот суд вчера досуди 62 доживотни затворски казни за градежник обвинет за невнимание при изградбата на зградата што се урна во разорниот земјотрес што ја погоди југоисточна Турција во 2023 година.

Изведувачот Хасан Алпарѓун, кој веќе е во затвор, е осуден на 865 години за „предизвикување смрт и повреда со можна умисла“, објави државната новинска агенција Анадолу.

Уште 34 обвинети се осудени на по 25 години затвор, изјави Бешир Екинчи, адвокат на семејствата на жртвите, пренесува агенцијата.

Тие се товарат за непочитување на стандардите за градба на опасен простор.

Вкупно 96 лица загинаа откако нивниот станбен блок, изграден од Алпарѓун, се урна во југоисточната провинција Адани во февруари минатата година.

Во два земјотреси на 6 февруари 2023 година загинаа повеќе од 60.000 луѓе во Турција и соседна Сирија.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.