Поранешниот американски претседател Доналд Трамп изјави дека нема да се спротивстави на објавувањето на налогот со кој им беше овозможено на агентите на ФБИ да го претресат неговиот дом во Мар-а-Лаго претходно оваа недела, јавува Би-Би-Си.

Во изјавата, Трамп рече дека го охрабрува неговото „итно објавување“, но повтори дека акцијата на федералните агенти е непотребна и политички мотивирана.

„Не само што нема да се спротивставам на објавувањето на документите кои се однесуваат на неамериканскиот, неоправдан и непотребен напад и грабеж на мојот дом во Палм Бич, Флорида, Мар-а-Лаго, туку ќе одам чекор понатаму со охрабрување на нивното непосредно објавување“, рече Трамп.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.