Според украинските медиуми, по гранатирањето во градот Рубижне во областа Луганск, загинала мајка со две деца. Третото дете е извлечено од урнатините и е во стабилна состојба.

По гранатирањето на местото на настанот излегле спасувачи кои веднаш започнале со акција на извлекување од урнатините.

Две деца без знаци на живот прво биле извлечени од урнатините, спасувачите извршиле реанимација, но, за жал, по пристигнувањето на Брзата помош било констатирано дека децата починале.

Спасувачите продолжиле да бараат под урнатините и пронашле жена и уште едно дете. Медицинскиот персонал констатирал смрт на жената. Детето било спасено, неговата состојба е стабилна и задоволителна – соопштија од Државната служба за итни случаи.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.