Рускиот милијардер Вјачеслав Таран загина во хеликоптерска несреќа во близина на Монако.

Педесет и тригодишниот Таран живее во Монако во последните десет години. Покрај него, во хеликоптерската несреќа што се случи на 25 ноември загинал и 35-годишниот пилот кој управувал со хеликоптерот, пренесува порталот „Монако Дејли Њуз“.

Во далечната 1997 година, Таран ја основа Libertex, платформа за онлајн тргување и неодамна се занимава со криптовалути.

Групата Libertex со голема тага ја потврдува смртта на нејзиниот ко-основач и претседател на Одборот на директори, Вјачеслав Таран, во хеликоптерска несреќа што се случи на пат кон Монако во петокот, 25 ноември 2022 година, се вели во соопштението на Libertex.

Рускиот милијардер полета од Лозана со искусен пилот во едномоторниот хеликоптер H130. Несреќата се случила околу 13 часот на ведро време, а непотврдени шпекулации се појавија дека вториот патник го откажал летот во последен момент. Заменик-јавниот обвинител во Ница рече дека не може да се исклучи вината на трето лице.

Украинската новинска агенција UNIAN тврди дека Таран наводно бил „крипто-бизнисмен со веројатни врски со руската надворешна разузнавачка служба“. Се вели дека тој наводно бил поврзан со странската шпионска агенција СВР и дека наводно е одговорен за „перење руски средства преку систем на операции со криптовалути“, пишува Дејли Мејл.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.