На северната периферија на украинскиот град Волчанск, кој се наоѓа веднаш до границата со Русија, се водат „активни борби“, а од таму пристига и вознемирувачко видео.

Newsweek објави дека ова го објави Олех Синјехубов, гувернер на регионот Харков, откако илјадници луѓе избегаа од рускиот напредок во североисточна Украина.

Скај њуз утринава на својот официјален профил на социјалната мрежа Икс (поранешен Твитер) објави видео снимено со дрон што им го испратил украински војник.

На снимката се гледаат руски војници како се движат низ Волчанск.

Околу еден час подоцна, британската телевизија објави соопштение на украинската армија дека ситуацијата во градот е под контрола, но дека поради жестоките руски напади морале да се повлечат на нови позиции кај селото Лукјанци.

Видео снимка од дрон направена од украинската гранична служба покажува како нејзините припадници со минофрлачки гранати удираат група руски пешадијци кои се упатиле кон Волчанск.

Извор: Њузвик/Курир.рс



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.