Жителите во украинскиот главен град Киев трето утро се будат од експлозии и сирени за напади, додека борби почнаа и во самиот град.

Експлозии во текот на ноќта/утрото: Експлозии се регистрирани денеска во главниот град Киев, по неколкудневни тешки борби на периферијата додека руските трупи напредуваа кон градот. Истрели има и во близина на центарот на градот.

Во Киев се водат улични борби: Украинско МВР со предупредување до граѓаните да бидат максимално внимателни

Обраќање на Зеленски: Во националното обраќање украинскиот претседател Володимир Зеленски вети дека Украинците ќе останат и ќе се борат за својата земја. Тој ја обвини Русија дека цели на цивилната инфраструктура.

Зеленски се јави од улиците на Киев: Се уште сум тука, нема да го оставиме оружјето

Мировни преговори: Портпаролот на Зеленски порача дека претседателот го прифатил рускиот предлог за преговори и дека е подготвен да разговара за мир и прекин на огнот.

Украина е подготвена за преговори за прекин на огнот

Состанок на Советот за безбедност на ОН: Синоќа Русија стави вето на резолуцијата на Советот за безбедност на ОН со која се осудува инвазијата на Украина. Кина, Индија и Обединетите Арапски Емирати беа воздржани од гласањето. По гласањето, 50 земји издадоа заедничка изјава во која се вели дека Русија ја злоупотребила својата моќ во блокирањето на резолуцијата.

Се натрупуваат санкциите: САД и Канада објавија санкции за рускиот претседател Владимир Путин и рускиот министер за надворешни работи Лавров, придружувајќи им се на Европската Унија и Велика Британија во тите потези.

Министрите за надворешни работи на ЕУ усвоија нов пакет санкции: Замрзнат имотот на Путин и Лавров



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.