Папата Франциск ги откажа сите активности поради блага настинка, соопшти денес Ватикан.

Според извештаите, папата ја донел оваа одлука како мерка на претпазливост, пред неговата планирана посета на Луксембург и Белгија на крајот на оваа недела, пренесува Ројтерс.

На почетокот на оваа година Папата веќе ги откажа своите активности поради настинка и бронхитис, а за време на двонеделната посета на Југоисточна Азија и Океанија беше во добра здравствена состојба – присуствуваше на повеќе од 40 настани и помина речиси 33.000 километри.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.