Најмалку 28 лица загинаа при превртување на брод на реката Конго, во истоимената земја во Централна Африка, соопштија денеска локалните власти.

Околу 200 патници се спасени, додека засега неутврден број се водат како исчезнати.

Несреќите со чамци се чести на реката Конго и езерата во земјата поради честата употреба на импровизирани чамци кои речиси секогаш се преоптоварени. Поголемиот дел од населението во северозападниот дел на земјата ги користи реките за патување поради недостиг на проодни патишта и затоа што тоа е поевтин начин за патување.

Владата на Конго ја забрани ноќната пловидба по реките во земјата за да спречи несреќи, но многу луѓе ја игнорираат наредбата.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.