Норвешкиот крал Харалд (87) денеска доби привремен пејсмејкер во Малезија, каде што најстариот европски монарх се разболе од инфекција за време на неговиот одмор оваа недела, соопшти Кралската палата во Хелсинки.

Харалд најверојатно во наредните денови ќе отпатува за Норвешка, се наведува во соопштението.

Кралската палата во вторникот соопшти дека Харалд бил хоспитализиран откако му се слошило додека бил на одмор во островското одморалиште Лангкави. Норвешките медиуми јавија дека Харалд, заедно со кралицата Соња таму го прославил 87 роденден.

Харалд е крал на Норвешка од 1991 година и е највозрасниот монарх во Европа. Норвешкиот крал, кој е правнук на британската кралица Викторија, изјави дека не планира да абдицира и оти неговата заклетва дека ќе и служи на Норвешка е доживотна.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.