Севернокорејскиот лидер Ким Џонг Ун вети дека ќе ја зајакне стратешката соработка со рускиот претседател Владимир Путин за нивната заедничка цел за изградба на моќна земја, објави државниот медиум КЦНА.

Ким го даде ова ветување во порака до Путин по повод одбележувањето на Националниот ден на Русија, бранејќи ја неговата одлука да ја нападне Украина и покажувајќи „целосна поддршка и солидарност“.

Лидерот на Северна Кореја повика на „поблиска стратешка соработка“ со Москва.

„Правдата сигурно ќе победи и рускиот народ ќе продолжи да додава слава на историјата на победата“, рече Ким во пораката објавена од КЦНА.

Северна Кореја се обиде да воспостави поблиски врски со Кремљ и ја поддржа Москва откако таа ја нападна Украина минатата година, обвинувајќи ги САД и Западот за водење на хегемонистичка политика.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.