Откако израелскиот министер за правда Нахман Шаи изјави дека е крајно време Израел да ѝ помогне на Украина со оружје, а неговите изјави изненадија многу членови на владата, израелскиот министер за дијаспора Гидеон Саар изјави дека нема да има воена помош за Украина.

Нашата поддршка за Украина не вклучува и нема да вклучува испраќање оружје. Таа позиција нема да се промени – рече Саар во интервју за израелското воено радио еден ден откако израелската влада го одби телефонскиот разговор меѓу украинскиот и израелскиот министер за одбрана, пренесува „Индекс“.

Украина инсистира на израелско оружје

Шаи во неделата рече дека Израел мора да ѝ помогне на Украина бидејќи Иран продолжува да испраќа балистички ракети во Русија. Иран ги негираше овие наводи, а рускиот претседател Дмитриј Медведев рече дека испраќањето оружје во Украина ќе ги уништи дипломатските односи меѓу Израел и Русија.

Украина долго време инсистираше Израел да ѝ испрати систем за противвоздушна одбрана, а Зеленски им рече на француските новинари минатиот месец дека е шокиран од одбивањата што ги доби од Тел Авив. Украинскиот министер Дмитро Кулеба во вторникот изјави дека владата ќе испрати официјално писмо до Израел и повторно ќе побара оружје, а израелските медиуми јавуваат дека средба или дискусија може да има во четврток.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.