Тие беа „очите на Израел на границата“, но нивните предупредувања од Хамас останаа нечуени, пишува Би-Би-Си за три интервјуирани девојки војници од единицата „тацпитањот“ од Израел кои со денови пред нападот на Хамас врз Израел на 7 октомври ја предупредувале армијата дека нешто се спрема.

„Овие жени не беа единствените што го кренале алармот, а како што се собираат повеќе сведоштва, гневот кон израелската држава – и прашањата околу нејзиниот одговор – се зголемува“, пишува Би-Би-Си.

Има неколку од овие единици до оградата на Газа, а други на различни позиции долж границите на Израел. Се работи за млади жени, на возраст од доцните тинејџерски години до раните 20-ти. Тие не носат пиштоли.

Жените обично седат во собите блиску до границата, гледајќи со часови секој ден во снимките од живиот надзор снимени од камерите долж високотехнолошката ограда и балони кои лебдат над Газа.

 

 

На некои од овие жени им било јасно дека Хамас планира нешто големо дека имало, според зборовите на Ноа, „балон што ќе пукне“. Би-Би-Си дошол и до пораки на социјалната мрежа ВатсАп кои жените ги испраќале во месеците пред 7 октомври.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.