Либанската милитантна група Хезболах денеска соопшти дека ги нападнала израелските артилериски позиции со ракети, што е прв прекуграничен напад по серијата експлозии на пејџери во Либан во вторникот.

Тајмс оф Израел објави дека од Либан кон Западна Галилеја бил истрелан бараж од 10 ракети. ИДФ соопшти дека ракетите погодиле отворени области, при што нема повредени.

Пејџерите што ги користеа членовите на Хезболах експлодирале истовремено во вторникот во јужен Либан, а Хезболах денеска соопшти дека бројот на загинатите во експлозијата на пејџери се искачи на 12, откако уште тројца оперативци на групата им подлегнаа на повредите.

Најмалку 2.750 луѓе беа повредени во експлозиите, а загина и едно дете.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.