Масовен мирен собир почна на Плоштадот на слободата, во центарот на градот Херсон, во близина на зградата на регионалната државна администрација заземена од руските воени сили, јави Укринформ.

Дементиј Били, шеф на регионалниот огранок на Комитетот на гласачи на Украина, објави видео од митингот на Фејсбук.

Од снимката се гледа дека плоштадот е целосно исполнет со жители на Хeрсон кои држат украински знамиња и извикуваат „Херсон е Украина!“.

Жителите на Херсон и вчера одржаа митинг против агресорот и одбија да ја земат крвавата „хуманитарна помош“ на непријателот, наведе Укринформ.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.