Шефицата на Европската комисија (ЕК) Урсула фон дер Лајен вчера се заложи рускиот претседател Владимир Путин да се појави пред Меѓународниот суд на правдата за воените злосторства извршени во Украина.

-Путин мора да ја изгуби војната и да одговара за своите постапки, тоа е важно за мене, изјави Фон дер Лајен за телевизискиот канал на германскиот весник „Билд“.

Според неа, нема сомнеж дека во Украина се извршени воени злосторства од почетокот на руската офанзива на крајот на февруари.

Фон дер Лајен, која вчера по трет пат беше во посета на Украина, во интервјуто кажа дека го поддржува собирањето докази за постапката пред Меѓународниот суд на правдата.

-Темелите на системот на меѓународното право бараат за таквите злосторства да се одговара и, на крајот на краиштата, за нив е одговорен Путин, додаде претседателката на ЕК.

Запрашана за веројатноста Путин еден ден да биде изведен пред меѓународната правда, таа одговори дека мисли дека тоа е можно



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.