Финска ќе стане членка на НАТО во вторник, 4 април 2023 година, соопшти Кабинетот на претседателот Саули Ниинисто.

По тој повод, финскиот претседател ќе отпатува во Брисел и ќе присуствува на церемонијата за прием во седиштето на НАТО.

Финска во вторник во Брисел, пред почетокот на состаноците на министрите за надворешни работи на НАТО, на американскиот Стејт департмент ќе му го предаде инструментот за пристапување кон Северноатлантскиот договор.

Депозитот ќе го вложи министерот за надворешни работи Пека Хаависто, додека церемонијата на подигнување на знамето по повод приемот на Финска во НАТО ќе се одржи во седиштето на Алијансата.

На настанот говор ќе одржат претседателот Ниниста и генералниот секретар на НАТО, Јенс Столтенберг, а пред церемонијата, претседателот и генералниот секретар ќе имаат билатерална средба и заедничко обраќање пред новинарите.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.