Европскиот парламент усвои резолуција со која се повикува на т.н. вклучување во Повелбата за основните права на Европската унија, вклучувајќи го т.н. „право на абортус“.
За усвојување гласаа 324 пратеници, 155 беа против, а 38 беа воздржани.
Темата беше на дневен ред на Европскиот парламент поради одлуката на Врховниот суд во САД да ја поништи пресудата Роу против Вејд и со тоа да ја отстрани уставната заштита од абортусот во Америка.
Изгласаната резолуција бара додавање на членот „7а“ на списокот од 50 права на Повелбата за основните права на Европската унија по членот 7, кој гарантира „почитување на приватниот и семејниот живот“, кој исто така го додава „правото на абортус“.
Текстот на резолуцијата го коментираше високиот советник на ADF International, Адина Портару, која рече дека „жените заслужуваат подобро од абортусот“.
„Европа која е навистина посветена на човековите права е Европа која ги почитува и штити двата живота за време на бременоста, поддржувајќи ги и мајката и детето“, изјави Портару за CNA.
„Предложениот текст на необврзувачката резолуција во суштина е непрецизен и погрешен. Не постои „право“ на абортус – сосема спротивно, вториот член од Повелбата за основните права на Европската унија го штити сечие право на живот“.
„Радикалниот обид на членовите на Европскиот парламент да извршат притисок врз земјите да прифатат екстремен режим – абортус без ограничувања во текот на сите девет месеци од бременоста – претставува потег што нема допир со Европејците“, продолжи Портару, додавајќи дека истражувањето спроведено во 30 европски земји покажува дека шест од седум Европејци „поддржуваат некаква форма на ограничувања за абортусот, што би ги заштитила жените и нивните неродени деца“.
Во воведниот текст на резолуцијата, Хрватска исто така се споменува во негативен контекст како земја каде што неодамна е „оневозможен пристап до абортус“, а Полска, Унгарија, Малта, Словачка и Италија исто така се споменуваат во контекст на ограничување или спречување на пристапот до абортус.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.