Според објавите на социјалните мрежи и странските медиуми покрај едностраното примирје прогласено од Москва, а отфрлено од Киев, во Украина и денеска се слуша артилериски оган.

Според локален жител на Доњецк, забележани се ракети истрелани од позициите на руските сили на периферијата на градот.

Руски гранати го погодија Краматорск, украински град во близина на линијата на фронтот во регионот на Доњецк, при што се оштетени 14 куќи, но нема жртви.

Додека еден пожарникар загина, а четворица се повредени откако руските сили гранатираа противпожарна станица во Керсон, јужна Украина пред да стапи во сила прекинот на огнот.

Во меѓувреме украинската вицепремиерка Ирина Верешчук ги предупреди жителите на окупираните територии да не одат во црква за Божиќ, бидејќи како што таа тврди, Русија планира да изврши терористички напади во сакралните објекти.

– Има информации дека Русите подготвуваат терористички напади врз црквите во привремено окупираните области за православниот Божиќ, наведе Верешчук.

И Украинската разузнавачка служба соопшти дека добила извештаи за напади врз православните цркви во Доњецк и други окупирани територии



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.