Претседателот Џо Бајден „апсолутно“ останува во трката за Белата куќа, изјави денеска шефицата на неговата кампања Џен О’Мали Дилон. Таа додаде Бајден е попосветен од кога било да го победи Доналд Трамп.

Нејзината изјава уследи по зголемениот притисок од демократите Бајден да се повлече од трката за реизбор поради неговата возраст и здравје.

Ова се клучни неколку дена за претседателот и неговата партија. Трамп ја заврши националната конвенција на Републиканците во Милвоки, а демократите, во трка со времето, ја разгледуваат можноста Бајден да се повлече за нов претседателски кандидат пред нивната сопствена конвенција.

Но, додека многу демократи на највисоко ниво сакаат тој да се повлече од изборите во 2024 година за да направи место за нов кандидат, и да се обиде да спречи партиски изборни загуби во ноември, кампањата на претседателот Џо Бајден одново инсистира дека тој не се повлекува.

Додека тој е изолиран поради ковид-19 во неговата куќа на плажа во Делавер, и онака тесниот круг на поддржувачи на Бајден пред неговата дебата уште повеќе се намали.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.