Британскиот крал Чарлс Tрети со кочија ја напушти Бакингемската палата и се упати кон Вестминстерската опатија каде денеска ќе биде крунисан. Кралската поворка ги следи до Вестминстерската опатија.

Воени чети маршираа низ улиците на центарот на Лондон, а стотици војници ги зазедоа своите позиции по патеката на поворката пред крунисувањето на кралот Чарлс Трети.

Поради крунисувањето, многу улици се затворени.

Околу 5.000 припадници на вооружените сили пристигнаа во Лондон со специјално изнајмени возови од места како што се Фарнборо, Тринг и Алдершот.

Тие маршираат преку мостот Вестминстер за подоцна да ги заземат своите позиции во поворката.

Вооружените сили вклучуваат припадници на Армијата, морнарицата, РАФ и силите на Комонвелтот.

Дополнителниот персонал е во подготвеност во случај да се појават проблеми.

Светските лидери и шефови на држави почнаа да пристигнуваат во Вестминстерската опатија од околу 9.30 часот.

Церемонијата на крунисувањето ќе биде проследена со музика избрана од кралот, со 12 новонарачани песни, вклучително и една од Ендрју Лојд Вебер.

Кралот ќе биде крунисан во 12.01 часот.

Кралот и кралицата потоа ќе се вратат во Бакингемската палата.

Кралот Чарлс и кралицата Камила ќе ја поздрават публиката од балконот на Бакингемската палата нешто пред 14.30 часот.

Тој ќе биде крунисан заедно со Камила, кралица сопруга, и ќе биде 40-тиот владејачки монарх крунисан таму од 1066 година.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.