Американскиот државен секретар Ентони Блинкен ќе престојува во посета на Пекинг на 5-ти и 6-ти февруари кога ќе се сретне со новиот кинеските министер за надворешни работи Чин Ганг, објави во понеделникот Politico повикувајќи се на свои извори.

Според соговорниците на весникот, челникот на Стејт департментот во Кина ќе разговара за војната во Украина, за нуклеарниот арсенал на Пекинг, заедничката борба против трговијата со наркотиците, како и за можното ослободување на Американците кои се во кинеските затвори.

Покрај тоа, се очекува шефот на американската дипломатија да го покрене прашањето за обновување на контактите во воената сфера, замрзнати по посетата на Тајван на поранешната претседателка на Претставничкиот дом на американскиот Конгрес, Ненси Пелоси, ланскиот август што предизвика жестока реакција на Пекинг на отстапувањето на долгогодишната практика на Вашингтон да не испраќа највисоки државни функционери на островот кој Кина го смета за своја одметната покраина.

Американскиот Стејт департмент и кинеската амбасада во Вашингтон не одговориле веднаш на барање за коментар од агенцијата ТАСС.

Во ноември на маргините на самитот на Г20 на Бали, американскиот претседател Џо Бајден и неговиот кинески колега по должност Кси Џинпинг ја договорија посетата на Блинкен на Пекинг на почетокот од 2023 година во рамките на напорите за надминување на тензичните односи, кога Вашингтон настојува да влијае Кина да ја повлече поддршката за Москва за нејзината воена интервенција во Украина.

Во понеделникот, исто така, The Wall Street Journal објави дека американската министерка за финансии Џенет Јелен ќе се сретне со кинескиот вицепремиер Лиу Хе во среда во швајцарски Цирих. Весникот истакнува дека високите американски и кинески претставници дури неодамна ги продолжиле консултациите по кризата поради посетата на Пелоси. Јелен, како што пишува WSJ, исто така размислува за пат во Кина набрзо по посетата на Блинкен.

Кина ја поздрави посетата на американскиот државен секретар Блинкен на нашата земја. Кина и САД сега се во комуникација за специјални аранжмани“, рече Ванг Вебин одговарајќи на прашање за извештаите на американските медиуми дека шефот на американската дипломатија треба да пристигне во Кина во февруари.

Кина, исто така, се надева дека САД ќе усвојат правилен став за Кина, ќе поддржат дијалог наместо конфронтација, ќе изберат комбинација на двете страни, наместо да играат за добивката на едната и загубата на другата страна“, додаде Ванг.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.