Израелската армија денеска соопшти дека од почетокот на војната против Хамас, фрлила 6.000 бомби врз Појасот Газа.

Израел тврди дека напаѓа цели на исламскиот екстремистички Хамс, кој управува со Појасот Газа, палестинските власти соопштуваат за огромен број убиени цивили.  Погодени беа и болници и засолништа на Обединетите нации.

Во воздушните напади загинаа цели семејства во своите домови. Министерството за здравство во Газа соопшти дека загинале цели 22 семејства, а само денеска на смртниот биланс се додадени 44 членови на иста фамилија.

Во меѓувреме, претставник на Хамас предупреди на дека доколку Израел се одлучи за копнена инвазија, тоа ќе биде катастрофа за израелската војска.

„За секоја акција преземена од непријателот имаме план“, изјави заменик-шефот на политичкото биро на Хамас, Салех ал-Арури.

Израелските власти не соопштија дека планираат копнена инвазија, но не ја ни  отфрлија како опција. За таквата можност, израелската армија мобилизираше повеќе од 300.000 резервисти



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.