Главниот град не е меѓу најзагадните градови во светот, тоа е лага, тврдат од Град Скопје, а светскиот сервис „WAQI“ кој тие го посочуваат како најрелевантен извор покажува индекс 169.

Воздухот во Скопје е нездрав, a според страницата која го мери аерозагадувањето во светот, во Македонија во моментов е најзагадено во Струмица, со индекс 189.

Во изминатите денови медимите објавуваат дека аерозагадувањето во Скопје е на високо ниво и градот е меѓу најзагадените во светот, од Град Скопје денеска преку соопштение ја демантираа наводната загаденост на воздухот.

Од Град Скопје велат дека се работи за пласирање на дезинформација, затоа што светскиот мониторинг сервис „WAQI“, кој во реално време ги покажува податоците за нивото на загаденост во поголемите градови во светот, јасно покажува дека Скопје не е помеѓу најзагадените градови.

Неразбирлива е за нас потребата од пласирање на сензационалистичката лага за наводна загаденост на градот Скопје, особено поради фактот што светскиот мониторинг сервис „WAQI“ кој во реално време ги покажува податоците за нивото на загаденост во сите поголеми градови во светот, јасно покажува дека Скопје не е ниту најзагаден град во Македонија, а не пак во светот, велат од Град Скопје.

Како најзагадени градови во Македонија во последните 48 часа, од Град Скопје велат се Кочани, Струмица, Гевгелија, Кавадарци и Тетово.

Апелираме до медиуимите, да не потпаѓаат на лажните вести и нечесните политички агенди на ВМРО-ДПМНЕ, туку барем по три пати да ја проверуваат точноста на информациите кои доаѓаат од оваа партиска кујна. Градот Скопје во последните две години засади 1.400.000 садници, додели субвенции за набавка на инвертер клими за граѓаните на градот Скопје, изгради три нови мега-паркови во Ѓорче Петров, Аеродром и Чаир, а два се во реализација во Сарај и Карпош, исчистивме 250 диви депонии кои за жал токму градоначалниците на ВМРО-ДПМНЕ повторно ги формираат со истурање на нивниот смет и градежен шут што веќе се утврдени и доставени налози за глоба, стои во соопштението.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.