ДУИ и СДС се експерти за потемкини села. Помпезно фрлаат лопати, а после зад себе оставаат само празни ливади. Така беше со спектакуларната фабрика за електрични автомобили, така е и со изградбата на коридорите кои побрзаа да ја почнат, соопшти ВМРО-ДПМНЕ.

На местото кај што Ковачевски и Груби правеа спектакли три дена после настанот нема ниту работници, ниту багери, ниту градежна механизација. Само една табла и сметка за скапата церемонија. Очигледно преуранетиот настан им требаше да го перат Артан Груби од низата скандали во кои беше фатен, вклучително и тој со изборот на надзорот на изградбата на коридорите, но во исто време овој настан го искористија и да ја дополнат со пари касата на компанијата која е миленчка на ДУИ, велат од партијата.

Оттаму обвинуваат дека нема пари за учебници, нема пари за лекови, нема пари за поголем стандард, а има пари за луксузни настани.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.