На утрешната седница на Комисијата за заразни болести ќе се одлучува како и кога ќе биде спроведен скринингот во училиштата што го најави министерот за здравство Беким Сали.

Тој денеска изјави дека скринингот ќе биде изведен преку центрите за јавно здравје кои ја водат евиденцијата на сите позитивни случаи.

Една од точките на утрешната седница на Комисијата за заразни болести ќе биде и ова. Утре ќе се одлучува како и кога ќе почне скринингот. Првата недела е многу важна за да се реагира брзо доколку има потреба од преземање на дополнителни мерки, изјави Сали, одговарајќи на новинарски прашања по посетата на Детската клиника.

Утре почнува второто полугодие со физичко присуство. Почетокот на второто полугодие беше прологирано за две недели поради епидемиолошката состојба во земјата.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.