Претседателот Стево Пендаровски денеска ја прими Ивана Живковиќ, помошник генерален секретар на Обединетите Нации и регионална директорка за Европа и за Комонвелтот на независни држави на Програмата за развој на Обединетите нации (УНДП).

На средбата беше поздравена континуираната и конструктивна соработка на државата со УНДП и беше разговарано за поддршката и улогата на Обединетите нации во исполнувањето на стратешките цели на државата.

 

Во таа насока беа поздравени активностите на УНДП во однос на климатските промени и зелената агенда, како и нивниот ангажман во областите поврзани со социјалниот развој и родовата еднаквост, демократското управување и подобрување на локалното владеење. Воедно, беше посочена успешната соработка и во изработката на Рамката за развој МКД20230.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.