Самиот факт што СДС фамозните наводи ги презентираат во прашална форма говори дека се свесни дека лажат и ловат во матно. Жално е да се гледа како СДС панично се обидуваат да го заштитат Пајазит Пајазити, кој е единствено одговорен зошто сега Блерим Рамадани е на слобода. Да изречеше Пајазити затворски притвор, сега Рамадани ќе беше во Шутка – рече пратеникот Бране Петрушевски од ВМРО-ДПМНЕ, одговарајќи на новинарско прашање во врска со случајот Рамадани.

Според Петрушевски покрај спасот на Пајазити, СДСM сакаат да прикријат огромен скандал за кој се виновни тие.

А тоа е фактот дека двајцата избегани од затвор приведени за убиството кај Мавровка се избегани во нивно време. Е.К. првиот од приведените е избеган од Идризово на 15.04.2024 година, а А.К. вториот од приведените е избеган од Шутка на 22.07.2024 година, два дена пред смената на директорот на оваа установа – вели Петрушевски.

Петрушевски праша „дали се ова беше планирано во СДСM и дали намерно пуштиле од затвор да избегаат лицата кои сега се приведени за убиство?“

СДС сака да создаде хаос, но тоа не поминува. Институциите постапуваат експресно и одговорност ќе има за секој еден – заклучи Петрушевски.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.