Министерот за надворешни работи на Македонија, Бујар Османи, денеска изјави дека земјата ќе се приклучи на Основачката група за формирање на Специјалниот трибунал за казнување на кривичното дело агресија врз Украина.

Како што соопшти Министерството за надворешни работи на Македонија, Османи за ваквата одлука на Скопје информирал во телефонски разговор со шефот на дипломатијата на Украина, Дмитро Кулеба.

„Овој чекор претставува уште една потврда за нашата континуирана поддршка за Украина во борбата за правда, слобода и заеднички демократски вредности. Руската агресија мора што поскоро да престане, а сторителите на воените злосторства да бидат изведени пред лицето на правдата“, нагласи Османи.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.