Министерството за внатрешни работи утрово информира дека од вчера воведена е уште една нова секција на веб сајтот https://termin.mvr.gov.mk/ која има за цел да придонесе кон побрзо закажување на термин за фотографирање за лични документи.

Во секцијата наречена „Поднеси барање за термин“ граѓаните го внесуваат својот матичен број, телефон за контакт и избираат за кој документ би сакале да закажат термин.

-Откако ќе го испратат барањето, операторите од повикувачкиот центар ќе ги исконтактираат на наведениот телефон за контакт за да го опслужат нивното барање во најкус можен рок. До оваа секција директно може да се пристапи преку следниот линк: https://termin.mvr.gov.mk/Call_Request, појаснија од МВР.

Во меѓувреме, МВР ги прочистува списоците со термини на три недели. Сите коишто имаат термини кон крајот на годината, ќе бидат повикани порано. Сите коишто добиле термин од мај па сѐ до декември, се повикуваат порано за фотографирање.

Во склоп на пунктот во ПС „Пролет“ функционираат 14 базни станици, на кои се врши фотографирање на граѓаните од понеделник до сабота. Се работи во две смени.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.