Македонија е убедливо на дното во регионот. Во четвртиот квартал индустриско производство и преработувачката индустрија се во длабока негатива, вели Христијан Мицкоски, лидер на ВМРО ДПМНЕ.

Два клучни параметри според кои се оценува растот на економијата се индустриското производство и преработувачката индустрија. Во четвртиот квартал македонското индустриско производство и преработувачката индустрија се во длабока негатива. Споредено со другите земји од регионот, Македонија е убедливо на дното.

Индустриското производство во декември бележи пад од 1,3%, во ноември негативата е 3,7%, а во октомври падот е 5,3%. Намалувањето на индустриското производство во четвртиот квартал е околу 3,4%, а за цела 2022 година падот на индустриското производство е 0,3%.

Слична е состојбата со преработувачката индустрија имено, во декември бележи пад од 2,3%, во ноември негативата е 5,6%, а во октомври падот е 4%. Намалувањето на преработувачката индустрија во четвртиот квартал е околу 4%, а за цела 2022 година падот на преработувачката индустрија е 1,1%.

Наместо раст после рецесијата со корона кризата, македонската влада бележи нови минуси. Со оваа влада нема да подобро, туку само полошо и драматично тешко за сите граѓани. Затоа потребни се избори за Македонија да почне да победува. Потребни се избори за крај на политичките криминалци и измамници, вели Мицкоски.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.