Имав одлична можност да бидам дел од предавањата и размена на искуства во еден од најдобрите универзитети, University of Michigan, во Центарот за Европа и Евроазија, каде што разговаравме за сите актуелни теми од научен аспект, информираше на својот фејсбук профил Владо Мисајловски, потпретседателот на ВМРО-ДПМЕ.

Остваривме и многу интересни средби во Канцеларијата за имигрантски прашања и економска инклузија во градот Детроит, Царината и граничната заштита на САД, но и во

Центарот за студии за мир и конфликти на Wayne State University и многу други институции и организации. Разговаравме за различни теми, но и добивме нови искуства и знаења.

Во рамки на Програмата за меѓународни лидери IVLP, организирана од американската влада, на покана на Амбасадата на САД во Македониja имав можност да поминам незаборавни три недели во повеќе држави и градови низ САД и можност да стекнам нови пријателства и искуства.

Благодарен сум на поканата но и за ова ново искуство.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.