Францускиот предлог е грешка и дипломатска неуспех на Владата на премиерот Димитар Ковачевски и неговиот министер за надворешни работи Бујар Османи, и треба да си поднесат оставки од позициите, истакна во Антонијо Милошоски, пратеник и член на Извршниот комитет на ВМРО-ДПМНЕ во текот на гостувањето во емисијата „24 Отворено“ на телевизија 24, откако претходно за Македонија не беше трегнато бугарското вето за продолжување на евроинтеграции.

„Сметам дека беше голема грешка и дипломатски неуспех што Ковачевски и Османи месец ипол наназад преговарале за обликот на овој предлог, дале свој удел, не го споделуваа со јавноста, дури не сакаа да направиме заедничка затворена седница во Собранието на комисијата на надворешна политика, или во поширок состав за да видиме кои се контурите на таквиот предлог, и затоа сметам дека ова отфрлање е изнудено откако Ковачевски и Османи увидоа дека голем дел од јавноста, интелектуалци, опозицијата, дел од помали коалициони партнери, новинари и граѓани, цвртсто се спротивставија на овој предлог“, рече Милошоски.

Оцени дека доколку премиерот Ковачевски го одбиеше ткн „францускиот предлог“ пред една седмица тогаш може да се разговара за тоа дека сакал да ги заштити националните позиции на државата, но како што истакна денеска го одбил за да си ја заштити сопствената фотелјата.

„Доколку одбивањето на овој предлог од Ковачевски се случеше пред една недела тогаш ќе можевме да разговараме за тезата дали е тоа заштита на некои национални позиции. А бидејќи се случи денес, на денот кога пред нос повторни ни ја затворија вратата на ЕУ, овде само станува потег кој што ги заштитува фотелјите на Ковачевски и Османи. И сметам дека би било добро и доблесно за нив да понудат оставки, бидејќи Ковачевски и Османи се најодговорните“, потенцираше Милошоски.

Додаде дека со прифаќањето на францускиот предлог и негово модицифирање во бугарското народ собрание се создава дополнителен хендикеп на државата за идните предлози и ставови на Бугарија по однос на Македонија во рамки на Европската унија.

„Пред да влезам во студио гледам дека комисијата за надворешна политика на бугарското народно собрание веќе го прифатила францускиот предлог со извесна модификација во нивна дополнителна корист и ако досега беше 99 наспроти 1, сега е 100 спрема 0 со таа модификација, и сметам дека тоа нам во иднина на државата и создава дополнителен хендикеп за идните предлози или за идните ставови на Бугарија по однос на Македонија во рамките на ЕУ“, нагласи Милошоски.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.