Лидерот на ВМРО-ДПМНЕ Христијан Мицкоски вечерва гостуваше во емисијата „Јади Бурек„ на ТВ Сонце каде зборуваше за актуелните случувања во Македонија. Едно од прашањата на водителот беше дали некој од актуелната власт му понудил дил за предавање на власта во замена актуелните политичари на власт да не одговараат или да избегнат одговорност за катастрофалната состојба во која ја доведоа државата почнувајќи од енергетската криза како и ценовниот шок.

Мицкоски беше дециден и кажа дека тој не е човек кој прави дилови, ниту политички ниту пак било какви други.

–Јас не сум човек кој прави дилови, оваа работа не ја работам за дилови туку ја работам за историја. Така почнав и претпоставувам така ќе го завршам мојот политички живот, за да еден ден дојде некој мој правнук и да каже тој ми беше дедо, ете за тоа јас ја работам оваа работа, не ја работам за дилови и со мене дилови не се прават, ниту политички ниту било какви други, а ги имало многу кои се обиделе да прават секакви дилови со мене, истакна Мицкоски.

Мицкоски додаде дека ако би правел такви дилови тогаш неговото име не би имало место во историјата



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.