Поради зголемен број на барања за издавање на пасоши заради рокот до февруари да се сменат патните исправи, во конзуларните претставништва во Берн, Бон, Берлин и Минхен ќе биде воведено двосменско работење.

Министерот за надворешни работи Бујар Османи, на средба со новинарите соопшти дека се размислува двосменско работење да биде воведено и во нашето претставништво во Лондон.

Имаме голем прилив на барања за пасоши особено во одредени амбасади, пред се поради рокот до февруари 2024 година кога треба да се сменат пасошите. И затоа одлучивме да испратиме една група конзуларци од МНР, со цел да овозможиме двосменско работење во наредниот период, кажа Османи.

Како ќе се појават потреби од другите градови, така ќе се пристапува кон воведување на двосменско работење.

Османи на прес-конференцијата информираше дека на седница на Влада е донесена одлука бегалците од Украина, кои се околу 471 на број, да можат да ги користат услугите на нашиот здравствен и образовен систем, како и на на нашите социјални установи.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.