Денска во државата во која Ковачевски е премиер и прави реконструкции на Владата граѓаните се разбудија без леб, рафтовите се празни, граѓаните се борат за преживување. Но, кога ќе ги погледнам случувањата можеби навистина и ние малку претеруваме. Има невидено намалување на цените за блиските на владини функционери. Деловен простор на улица Македонија ексклузивно за владините функционери по 700 евра, рече пратеникот Миле Лефков, пратеник од ВМРО-ДПМНЕ на денешната расправа за именување заменици министри.

Лефков се осврна на кратките биографии на кандидатите за заменици министри.

„Еден од кандидатите вели дека знае да работи на интернет експлорер, а знаете што е најпребарувано месење леб. Ова е невидено“, рече Лефков.

Според пратеникот едмо е јасно дека Ковачевски е заинтересиран за својот имиџ.

„Па така тој дава 26 илјади евра за рекламирање на Фејсбук. Но, знае ли тој колку луѓе се сиромашни и колку од нив се деца. Знае ли колкава е инфлацијата скоро 20 проценти и е највисока во регионот. И тоа значи дека нашите граѓани најбрзо осиромашуваат“, посочи Лефков.

Лефков укажа и дека неговото неработење, неспособноста на Ковачевски се гледа низ бројите од анкетите.

„Граѓаните ви кажуваат дека не ви веруваат. И никој не може да ви помогне, ниту еден пиар“, рече Лефков.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.