Нов ефикасен систем на поддршка за земјоделците, најави денеска премиерот Димитар Ковачевски.

По владината седница на која беше усвоен нов модел за финансиска поддршка на земјоделството и руралниот развој премиерот порача дека струја, греење и храна мора да има за сите.

Имаме обврска да им помогнеме на земјоделците заеднички да ја пребродиме оваа криза, а за граѓаните да обезбедиме стабилно производство на храна – рече Ковачевски.

Новиот модел, посочи, е креиран по европски терк, поефикасен е и прилагоден на предизвиците што ги донесе кризата. Нема намалување, туку, како што потенцираше, поефикасна распределба на средствата.

Мораме да се осигураме дека домашното производство на храна е стабилно и ќе има доволно храна, дека ќе произведуваме доволно за дома, но и за извоз за јакнење на економијата – рече Ковачевски.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.