Новиот претседател на Собранието Африм Гаши, во врска со забелешките дека заклетвата ја кажа прво на албански јазик, во интервјуто на Телма рече дека не сака да се вовлечеме во дневна политика со „такви мали работи“. Тој вели дека нема анимозитет кон македонскиот јазик.

-Јас немам проблем со македонскиот јазик, јас го учам и го зборувам македонскиот јазик истовремено со албанскиот јазик од моите први години, јас сум израснат во средина со македонски, така што не памтам кога сум почнал да зборувам македонски што значи дека не можам да имам анимозитет кон македонскиот јазик.

Конститутивната седница беше подготвена од службите на собранието кои се исклучително професионални, имавме претседавач и да беше прочитана заклетвата првпат на македонски ќе ја прочитав на македонски, да беше на албански ќе ја прочитав на албански. Мислам дека е тоа технички дел и дека е важно што се прочита и на македонски и тука треба да се апсолвира тоа прашање затоа што нема никаква суштина – рече Гаши.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.