Во сите храмови на Македонската православна црква-Охридска архиепископија во земјава денеска се одржаа божикни литургии по повод најголемиот христијански празник Рождество Христово – Божик.

Централното одбележување беше во Соборниот храм „Свети Климент Охридски“ во Скопје, каде литургија богослужеше архиепископот охридски и македонски г. г. Стефан.

На литургијата присуствуваа голем број верници, но и политичари. Присутни беа премиерот Димитар Ковачевски, министерот за внатрешни работи Оливер Спасовски, директорот на Комисијата за односи со верските заедници и религиозни групи, Дарјан Сотировски, лидерот на опозицијата Христијан Мицкоски, градоначалничката на Град Скопје, Данела Арсовска…

Честитки до верниците по повод Божик испратија од државниот врв и од политичките партии.

фото: МИА



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.