Со големо внимание ги следам коментарите и реакциите на целата јавност околу актуелниот развој на настаните поврзани со почетокот на преговорите за влез во ЕУ, објави Фатмир Битиќи, заменик на претседателот на Владата задолжен за економски прашања, координација на економските ресори на неговиот фејсбук профил.

Лично сум осетил какво е чувството некој да негира идентитет, јазик и постоење и затоа јасно знам колку сето тоа е против сите вредности за кои јас се залагам и работам. Тоа се црвени линии кои успешно ќе ги заштитиме! Заеднички ќе изнајдеме решение кое ќе ја обезбеди нашата посакувана Европска иднина, но и истовремено ќе го заштити достоинството на нашата држава и народ. Јас ќе ја поддржам секоја одлука која што го почитува идентитетот и јазикот на моите другари, пријатели и сограѓани, а за која тие нема да имаат никаква резерва. Затоа активно ги повикувам да се вклучат во консултативниот процес и јасно да го искажат својот став! Решенијата мора да ги градиме со солидарност и меѓусебна емпатија – друг пат нема! Ќе успееме!, напиша вицепремиерот Битиќи.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.