Ова позади нас е хациендата на семјеството на Венко Филипче на Водно, изјави денеска пратеникот Миле Лефков.

Од овде се гледа цело Скопје, а да се изгради овој објект на оваа локација потребни се 1 милион евра. Овој објект е граден во ек на министерувањето на Филипче, кога тој управуваше со милиони евра во здравството. Филипче мора да одговори како е градена оваа хациенда, како се стекнати парите за истата и дали истите се доведуваат во врска со тендери или друг вид работа со државата додека тој бил на функција. Филипче мора да одговори како се прави ваква хациенда со плата? Филипче да не се обидува да користи изговори дека оваа хациенда е на името на неговата сопруга или нејзиниот татко. Тоа што истата е градена додека тој е министер говори доволно дека може да станува збор за потенцијално криење на имот на туѓо име. ДКСК да отвори случај и да истражи како е финансирана оваа хациенда и дали парите се доведуваат во корелација со некој тендер или државна работа, истакна Лефков.

Очекуваме ДКСК да отвори истрага за овој имот на Филипче, додава Лефков.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.