Во Националната установа Центар за култура „Трајко Прокопиев“ во Куманово, денеска и утре ќе се одржи првиот „Меѓународен фестивал на прозата“.

„Целта на манифестацијата е да се доближи книжевната прозна продукција до читателската публика, да се запознаат со домашните и страните авторите и нивните дела, што ќе придонесе до формирање на едно критичко, субјективно мислење, ќе се потикне и формира идниот читач“, велат организаторите на манифестацијата од Центарот за култура.

На првата фестивалска вечер гости се: Јорданка Белева, Оливера Ќорвезироска и Лејла Каламујиќ. Модератор е Фросина Крушкаровска. Вечерта ќе биде збогатена со музика во изведба на Јован Цветковиќ.

На Втората фестивалска вечер ќе гостуваат: Николина Андова Шопова, Жарко Кујунџиски, Давор Стојановски, Лира Бојку, Александар Шпатов и Фејзи Бојку, кои ќе читаат фрагменти по сопствен избор од книжевните остварувања кои длабоко оставаат траги во книжевноста. Модератор на втората вечер е писателот Петар Андоновски.

Свеченото отварање е во 20 часот, во фоајето на Центарот за култура. Фестивалот се одржува со финансиска поддршка на Министерството за култура и Општина Куманово.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.