Претседателот на Светската фудбалска федерација (ФИФА) Џани Инфантино го сподели своето мислење за Светското првенство за жени 2023 година кое се одржува во Австралија и Нов Зеланд.

 

– Многумина мислеа дека ова Светско првенство ќе не чини скапо. Рекоа дека нема да добиеме доволно приходи и ќе треба да субвенционираме. Впрочем, приходот од овој Мундијал изнесува повеќе од 570 милиони долари. Не само што не загубивме пари, туку остваривме и втор најголем приход меѓу сите спортови. Светското првенство за жени навистина ги промени не само Австралија и Нов Зеланд, туку и целиот свет, изјави Инфантино, за „Inside the Games“.

 

Денес на женскиот Мундијал, репрезентацијата на Шведска ја победи Австралија (2: 0) и го освои третото место. Швеѓанките по четврти пат во историјата освоија бронза.

 

Во финалето на Светското првенство за фудбалерки 2023 година утре ќе играат Англија и Шпанија



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.