Во тек се анализите за воведување на дополнителен час на евтина тарифа во текот на денот, соопштија од Регулаторната комисија за енергетика. Граѓаните наместо до 15 часот, ќе можат да перат и да готват на евтина струја до 16 часот, пренесува МРТ.

Од 1-ви ноември граѓаните наместо до 15 часот, поевтина струја ќе користат до 16 часот. Регулаторната комисија за енергетика ги прави последните подготовки. Оттаму очекуваат сè да биде според планираната динамика.

„Во тек се анализите за воведување дополнителен час на евтина тарифа во текот на денот. Станува збор за опсежна енергетска анализа во која освен енергетскиот аспект значајно влијание имаат и финансиските елементи, посебено ако земеме предвид дека сме во фаза на стабилизација – по пандемијата и енергетската криза“, вели Бислимовски во изјава за МРТ1.

Граѓаните, барем оние повозрасните, со душа чекаат час повеќе евтина струја во текот на денот.

Финалната одлука Регулаторна ќе ја донесе кон крајот на месецов.

На сила останува евтината тарифа во ноќните часови и секако денот недела.

Во 2021, во екот на енергетската криза, регулаторот ја укина дневната евтина тарифа.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.