Министерството за земјоделство, шумарство и водостопанство информира дека е почната исплатата на субвенциите за сточарско производство.

Од Министерството посочуваат дека Агенцијата за финансиска поддршка во земјоделството и руралниот развој ги има изготвено налозите за исплата на финансиската поддршка за одгледувачите на овци, кози и говеда и ги има испратено во трезорот на Министерство за финансии.

Како корисници на оваа поддршка се јавуваат земјоделски стопанства кои пријавиле одгледување на овци, кози и говеда, кои имаат наполнето 12 месеци до денот на поднесување на барањето.

Креирана е нова мерка за поддршка во одржување на ливадите, во висина од 6.000 денари по хектар. Мерка по европски стандарди, која има за цел да ги стави во функција површините со намена ливади и пасишта, за производство на храна за добитокот. Преку програмата за рурален развој ги помагаме сточарите во трошоците за ангажирање на работна сила за чување и напасување на добитокот на пасишта или ливади. Од досегашните 360.000 денари по овчар, на 620.000 денари се зголемува платата за овчарите, а дополнително се трга досегашниот критериум над 700 метри надморска висина, стои во соопштението.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.